Поздрав на веќе постојните членови на овој форум!
Јас сум од Скопје, поточно од населба Лисиче, а колекционер на колички сум од како знам за себе. Нормално како дете количките баш и не сум ги сваќал како колекционерска вредност, туку едноставно како играчки, така што многу од нив биле уништени, подарени или изгубени. Почетоците како и на многу од овие простори, се со Matchbox моделите, потоа Mebetoys, Polistil, Norev, кои се продаваа по трафиките и продавниците низ Скопје, потоа Burago, како и СССР моделите.
Инаку собирам модели во три размери, 1:18(70 ком.), 1:24(71 ком.) и 1:43(82 ком.), како и уште 10 модели во некои други нестандардни размери. Од произведувачите застапени се, Revell, Burago, Solido, Norev, Minichamps, Maisto, Kyosho, Welly, Anson, Ertl, AutoArt, Istmodels, Ricko, Sunstar, Yat Ming, Jadi, Schuco, Mondomotors, Motor Max, Signature, New Ray, Unique Replicas, Carrarama, Italeri, CB-Car, Starline, Brumm, Polistil, Mebetoys и други на кои сега неможам да се сетам, како и новински изданија од Quattroruote Collection, Hachette и други.
Собирам ретро модели, односно колички кои како вистински модели се произведувале меѓу 1950 и 1975 година. Најзастапена марка е Fiat и сочинува околу 25% од целокупната колекција.
Набавката на моделите освен во нашите продавници каде изборот е очаен, ја правам преку интернет и тоа најчесто од Германија и Италија, а кога одам некаде во странство, тоа го правам директно во некоја продавница за играчки или во продавници специјализирани за вакви модели, какви во нашето соседство има во Грција и Бугарија.
Колекционирањето низ годините поминувало низ повеќе успони и падови, односно периоди кога сум бил тотално оладен од хобито и периоди кога сум бил многу запален за собирање колички. Последната фаза во која моментално се наоѓам е оваа втората и започна негде од почетокот на 2006 кога во Солун си купив Fiat 600 од Revell во 1:18 и сеуште трае иако последнава година дена многу ретко земав нешто.